25 سال سے ہنڈا ہمیں اسی انجن والی موٹرسائیکل بیچ رہا ہے، بس ایک چیز تبدیل کی جاتی ہے‘‘ نوجوان نے پاکستانیوں کے دل کی بات کہہ دی

 

 ہنڈا 125سی سی ہو یا 70سی سی، ہنڈاموٹرسائیکلز پاکستان میں سب سے زیادہ فروخت ہونے والی بائیکس ہیں۔ یہ کمپنی ہر سال ان بائیکس کا نیا ماڈل تو متعارف کرواتی ہے لیکن اس نئے ماڈل میں نیا کیا ہوتا ہے؟ ایک نوجوان نے انٹرنیٹ پر ایک استہزائیہ ویڈیو پوسٹ کی ہے جس میں اس نے بتایا ہے کہ کمپنی کس طرح پاکستانیوں کو بے وقوف بنا رہی ہے۔ ویب سائٹ ’Reddit‘ پر پوسٹ کی گئی اس ویڈیو میں نوجوان بتاتا ہے کہ ہونڈا کمپنی ہر سال اپنی بائیکس کا نیا ماڈل متعارف کرواتی ہے لیکن ہر بار موٹرسائیکلز میں صرف فیول ٹینک کے سٹیکر ہی تبدیل کیے جاتے ہیں اور یہ سلسلہ گزشتہ 25سال سے جاری ہے