صوبائی وزیر صحت ڈاکٹر یاسمین راشد نے سیالکوٹ میں کورونا فری لیبارٹری کا افتتاح کر دیا

سیالکوٹ صوبائی وزیر صحت ڈاکٹر یاسمین راشد نے سیالکوٹ میں کورونا فری لیبارٹری کا افتتاح کر دیا۔ اس موقع پرصوبائی وزیر صحت ڈاکٹر یاسمین راشد نے میڈیا سے گفتگو کرتے ہوئے کہا کہ سیالکوٹ میں لیول تھری کا لیب بنایا گیا ہے۔ سیالکوٹ میں کورونا کے کم مریض ہیں۔ انہوں کہا اس وقت پنجاب میں 92 ہزارسے زیادہ مریض ہیںاورپنجاب کے 19 اضلاع کورونا سے فری ہوگئے ہیں۔

پنجاب میںکورونا کی صورتحال بہترہونا شروع ہو گئی ہے۔ کورونا میں جو کمی آئی ہے قوم اس پر اللہ تعالی کا شکر ادا کرے ۔ ڈاکٹر یاسمین راشد نے کہاسیالکوٹ میں 200 بیڈ پر مشتمل مدر اینڈ چائلڈ ہسپتال کا پی سی ون تیار ہو گیا ہے۔ اس منصوبے پر چار ارب روپے لاگت آئے گی۔جن علاقوں کی طرف کسی نے توجہ نہیں دی وہاں ہسپتال بنا رہے ہیں اورکہا کہ پنجاب کے پانچ شہروں میںہسپتال بنائے جائیںگے انہوں نے کہاجب حکومت سنبھالی تو پتہ چلا کہ 50 فیصد ڈاکٹروں کی سیٹیں خالی ہیں۔

ہم نے 15ہزار نئے ڈاکٹر بھرتی کئے ہیں۔ تحریک انصاف کی حکومت نے ڈاکٹروں کی تنخواہوں میں اضافہ کیا ۔ 72 لاکھ لوگوں تک صحت کارڈ پہنچائے جائیں گی وزیر اعظم کے معاون خصوصی عثمان ڈار نے میڈیا سے گفتگو کرتے ہوئے کہا کہ پچھلی حکومتوں نے دعوے تو بہت کئے مگر کیا کچھ نہیں ۔حکومت عوامی مسائل کو ان کی دہلیز پر حل کر رہی ہے۔ سیالکوٹ میں عمران خان کی حکومت سے پہلے ایک بھی وینٹی لیٹر نہیں تھا۔ہم نے علامہ اقبال میموریل ہسپتال میں 57 وینٹی لیٹرز مہیا کئے