وزیراعلیٰ عثمان بزدار کا رات گئے تین گھنٹے بغیر پروٹوکول لاہور شہر کے مختلف علاقوں کا اچانک دورہ،تھانوں پر چھاپے

سکیورٹی کے بغیر شہر ی مسائل سے آگاہی اور ان کے حل کیلئے دورہ کیا ،لبرٹی کے قریب پارک میںسوئے بعض افراد کو پناہ گاہ منتقل کرنے کی ہدایت سمارٹ لاک ڈاون پر عملدرآمدکے اقدامات اور صفائی کی صورتحال کا جائزہ لیا ،بعض مقامات پر کوڑا کرکٹ دیکھ کر برہمی کا اظہار تھانوں میں صفائی کی خراب صورتحال پر عملے کی سرزنش ،وزیراعلیٰ عثمان بزدار نے تھانوں میں موجود لوگوں سے مسائل پوچھے تھانہ مغلپورہ اور تھانہ شادمان پر چھاپہ ،ریکارڈ چیک کیا، حوالات میں بند ملزمان سے گفتگو کی

وزیراعلیٰ پنجاب سردار عثمان بزدار نے رات گئی3گھنٹے بغیر پروٹوکول لاہور شہر کے مختلف علاقوں کا اچانک دورہ کیا۔وزیراعلیٰ عثمان بزدار نے بغیر سکیورٹی تھانوں پر چھاپے مارے ۔وزیراعلیٰ عثمان بزدار نے مختلف علاقوں میں صفائی کے انتظامات کا جائزہ لیااور عیدالاضحی کے پیش نظر سمارٹ لاک ڈاؤن کے حوالے سے کیے گئے اقدامات کا معائنہ کیا۔

وزیراعلیٰ نے پناہ گاہ کا بھی دورہ کیا۔وزیراعلیٰ عثمان بزداربغیرپیشگی اطلاع رات گئے شہر کے دورے پر نکلے۔وزیراعلیٰ عثمان بزدار نے شہر ی مسائل سے آگاہی اور ان کے حل کے لیے دورہ کیا ۔وزیراعلیٰ عثمان بزدار نے لبرٹی کے قریب پارک میں سوئے ہوئے بعض افراد کو پناہ گاہ میں منتقل کرنے کی ہدایت کی اوراسی وقت ڈپٹی کمشنر لاہور کو فون کر کے ان افراد کو پناہ گاہ شفٹ کرنے کیلئے ہدایات دیں۔

وزیر اعلیٰ عثمان بزدار نے شہر میں عید الاضحی کے پیش نظر سمارٹ لاک ڈاون پر عملدرآمدکیلئے اٹھائے گئے اقدامات کا جائزہ لیا ۔وزیراعلیٰ عثمان بزدار نے شہر میں صفائی کی صورتحال کا جائزہ لیا۔ وزیراعلیٰ نے بعض مقامات پر کوڑا کرکٹ دیکھ کر برہمی کا اظہارکیا اورلاہورسالڈ ویسٹ مینجمنٹ کمپنی کے حکام کو فون کر کے کوڑا کرکٹ اٹھانے اورشہر میں صفائی کے انتظامات بہتر بنانے کی ہدایت کی۔

وزیراعلیٰ عثمان بزدار نے گلبرگ،شادمان، لبرٹی، جیل روڈ، شملہ پہاڑی ایمپرس روڈ، سرکلرروڈ،ریلوے سٹیشن اور دیگر علاقوں کا بغیر اطلاع دورہ کیا ۔وزیراعلیٰ عثمان بزدارنے تھانہ مغلپورہ اور تھانہ شادمان پر چھاپے مارے،عملے کی حاضری اورتھانوں کا ریکارڈ چیک کیا۔وزیراعلیٰ عثمان بزدار نے تھانوں کے حوالات میں بند ملزمان سے گفتگو کی ۔ وزیراعلیٰ عثمان بزدار نے تھانوں میں صفائی کی خراب صورتحال پر عملے کی سرزنش کی اورہدایت کی کہ تھانوں میں صفائی بہتر بنائی جائے ۔

وزیراعلیٰ عثمان بزدار نے تھانوں میں موجود لوگوں سے بھی ان کے مسائل پوچھے ۔وزیراعلیٰ عثمان بزدار نے فرنٹ ڈیسک کا بھی دورہ کیااورعملے سے حوالات میں بند ملزمان اوران پر الزامات کے حوالے سے استفسار کیا۔وزیراعلیٰ عثمان بزدار نے روزنامچے کا بھی جائزہ لیا۔بعد ازاں وزیراعلیٰ عثمان بزدار نے ریلوے سٹیشن کے قریب پناہ گاہ کا دورہ کیااور پناہ گاہ میں مقیم لوگوں کیلئے سہولتوں کا جائزہ لیا ۔

وزیراعلیٰ عثمان بزدار نے مسافروں سے ان کے مسائل اور پناہ گاہ میں سہولتوں کے بارے دریافت کیا ۔وزیراعلیٰ عثمان بزدار نے مسافروں سے پناہ گاہ میں ملنے والے کھانے کے معیار کا بھی پوچھا۔مسافروں نے پناہ گاہ میںسہولتوں اور کھانے کے معیار پر اطمینان کا اظہار کیا۔وزیراعلیٰ عثمان بزدار نے کہا کہ شہریوں کے مسائل حل کرناہماری ذمہ داری بھی ہے اورفرض بھی۔ اچانک دوروں سے اصل زمینی حقائق کا علم ہوتا ہے۔شہری مسائل کے حل کے لیے ایسے وزٹ آ ئندہ بھی کروں گا۔

Comments

Post a Comment

Popular posts from this blog

کیا مولانا طارق جمیل کو تبلیغی جماعت سے نکال دیا گیا؟ حقیقت جانیے

Image
  معروف عالم دین مولانا طارق جمیل نے وضاحت کی ہے کہ انہیں عمران خان کی حمایت کرنے پر تبلیغی جماعت سے نہیں نکالا گیا کیونکہ جماعت سے کسی کو نکالا ہی نہیں جاتا۔ نجی ٹی وی جیو نیوز کے پروگرام میں گفتگو کرتے ہوئے مولانا طارق جمیل کا کہنا تھا " کہا گیا کہ مجھے عمران خان کی حمایت پرتبلیغی جماعت سے نکال دیا گیا ،میں نے ہر وزیراعظم کے لیے دعا کی ہے ، ذوالفقار علی بھٹو اور بے نظیر بھٹو کی قبروں پر جاکر فاتحہ پڑھی، تبلیغی جماعت سے کسی کو نکالا ہی نہیں جاتا۔ انہوں نے کہا کہ آزادی مارچ میں مجھے بہت گالیاں پڑیں لیکن میرا دل صاف ہے، عمران خان اس وقت حاکم وقت ہے ان کو دعا کی زیادہ ضرورت ہے
Read more

دُبئی نے پاکستانیوں کے لیے وزٹ اور ٹورسٹ ویزہ سروس دوبارہ شروع کر دی

Image
  30 روزہ ویزے کی فیس 450 درہم ہو گی جبکہ 90 روز کے ویزے کی فیس 11 سو درہم مقرر ہو گی دُبئی میں روزگا راور سیر و تفریح کی غرض سے جانے کی خواہش رکھنے والے پاکستانیوں کواچھی خبرسُنا دی گئی ہے۔ دُبئی حکومت نے پاکستان سمیت متعد ممالک کے لیے وزٹ ویزے اور سیاحتی ویزے کی سروس بحال کر دی ہے ، جس کے بعد اب پاکستان سے دُبئی جانے میں کوئی مسئلہ درپیش نہیں ہو گا۔ دُبئی کے لیے 30 روزیا 90 روز کے ویزے کے لیے اپلائی کیا جا سکتا ہے۔ 30 روزہ ویزے کی فیس 450درہم ہے جبکہ 90 روز کے ویزے کی فیس 11 سو درہم مقرر کی گئی ہے۔ ’امیر سنٹرز‘ کی جانب سے بتایا گیا ہے کہ جن ممالک کے لیے امارات کے ساتھ دو طرفہ پروازوں کا سلسلہ جاری ہے، ان ممالک کے شہریوں کو وزٹ اور ٹورسٹ ویزہ کے لیے اپلائی کرنے کی سہولت موجود ہے۔دُبئی کے ویزے کے لیے درخواست دینے والوں کو پاسپورٹ کی کاپی، سفید بیک گراؤنڈ والی تصویرفراہم کرنا ہو گی، البتہ کچھ ممالک کے شہریوں سے ان کاقومی شناختی کارڈ بھی طلب کیا جا سکتا ہے۔ ایک بات یاد رہے کہ ویزہ کسی ٹورسٹ ایجنسی کے ذریعے ہی اپلائی کرنا ہو گا۔ متعددٹریول ایجنسیزویزہ کے ساتھ ہیلتھ انشورنس فیس بھی و...
Read more

رس بری اسٹرابری کے فوائد

Image
سولہویں صدی کے ایک مصنف ولکیم بنلر نے ایک جگہ اسٹرابیری کو سراہتے ہوئے لکھا تھا کہ قدرت نے شاید اس سے بہتر اور ذائقہ دار پھل پیدا نہیں کیا۔اسٹرابیری قدرت کا انمول تحفہ ہے۔اسٹرابیری دنیا کا شاید وہ واحد پھل ہے جسے صرف دیکھنے سے ہی اس بات کا احساس ہوتا ہے کہ یہ نایاب اور منفرد ترین پھل ہے۔ تیرھویں صدی میں پہلی بار اس کی باقاعدہ کاشت کی گئی حالانکہ ایک خور درد پودے کی طرح یہ یورپ اور امریکہ کے کئی علاقوں میں صدیوں سے گلاب کی فیملی کے ایک حصہ کی طرح اگتا رہا تھا لیکن پہلی بار رومیوں نے اس کی غذائی صلاحیتوں کی بدولت اسے پھل کا درجہ دیا۔ دنیا بھر میں کاشت کیا جانے والا اسٹرابیری ایک پر لغیش پھل شمار کیا جاتا ہے۔ یہ اپنی غذائیت کے علاوہ خوش شکل اور خوش رنگ ہونے کی بناء پر بھی پسند کیا جاتا ہے۔ میٹھا اور رس بھرا اسٹرابیری بچوں اور بڑوں کا مرغوب پھل ہے کیونکہ اس میں غذائی اجزاء بھی وافر مقدار میں پائے جاتے ہیں،اس لئے صحت کے لئے بھی مفید مانا جاتا ہے۔تقریباً سو گرام اسٹرابیری میں 33کیلوریز پائی جاتی ہیں۔اسٹرابیری کا تعلق Fragariaکے خاندان سے ہے جسے ایسے ہی مزید دس مشترکہ خصوصیات والے پھلوں کے سا...
Read more